Iloilo City–Wala gid natentar ang taxi driver sa unod sang nabilin nga wallet sa iya taxi.

Ginbalik ni Rolly Fantilanan, 35-anyos sang Barangay Talacuan, Leon kag driver sang 3 Brothers Taxi, ang wallet nga naga-unod sang masobra P18, 000. Nabilin ang wallet sang pasahero ni Fantilanan nga naghalin sa Smallville Complex padulong sa Fastcraft Terminal sa Lapuz.

Ulihi na lang natalupangdan ni Fantilanan ang wallet gani nga nagbalik sa terminal pero wala na naabtan ang pasahero nga nakilala kay Melton Lalisan sang Bacolod City. Nagdiretso ang driver sa Aksyon Radyo Iloilo kag ginturn-over ang wallet. Suno sa iya, ginbalik niya ang wallet bangud posible kinahanglan sang tag-iya ang kwarta.

Na-contact naman ang tag-iya sang wallet kag daku ang pagpasalamat sini sa driver. Suno kay Lalisan, talagsa na lang siya makakita sang tampad nga driver pareho ni Fantilanan. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply