Iloilo City — (UPDATE)  Indi pa pinal ang proposal nga i-deputize sang Land Transportation Office 6 ang mga punong barangay sa syudad.

Suno kay LTO 6 Assistant Regional Director Nanette De Ocampo, ginahulat pa nila ang sulat ni Mayor Jed Patrick Mabilog sa ila.

Ginsuhestyun ni Mabilog ang deputation bangud madamo suno sa iya ang naga-illegal parking sa dalanon sa pila ka barangay sa syudad.

Kon mabaton na sang LTO 6 ang sulat sang alkalde, i-endorsar nila ini sa ila central office.

Kon madeputize naman ang mga punong barangay, magatutok lang sila suno kay De Ocampo sa pagdakup sang mga naga-obstruct sa karsada.

I-require man sila nga i-endorso ang driver’s license sang ila madakpan kada adlaw sa LTO 6.

Magalawig lang ang deputation sang isa ka tuig kag liwat hanason ang punong barangay.

Mahimo man nga imbes punong barangay ang i-deputize, mahimo man nga piliun ang barangay kagawad nga nagapamuno sang Committee on Peace and Order. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply