(UPDATE) Mga Barangay Officials sa Syudad nga I-deputize sang LTO 6, Magatutok sa mga Naga-obstruct sa Karsada

Iloilo City–Paga-tutukan sang mga barangay officials sa syudad nga iga-deputize sang Land Transportation Office (LTO) 6 ang mga obstruction sa karsada.

Pahayag ini ni LTO 6 Assistant Regional Director Naneth de Ocampo kon madayon ang plano sang city government kag sang ahensya nga i-deputize ang mga barangay officials bilang mga traffic enforcers agud mangdakup sang mga naga-on-road parking.

Suno kay de Ocampo, gina-problema ni Mayor Jed Patrick Mabilog ang madata nga pag-park sang mga salakyan sa national roads. Gina-draft pa suno sa iya ang memorandum of agreement (MOA) sang city government kag LTO 6 kag gilayon nga pirmahan kon makompormihan sang magtimbang nga partido.

Base sa MOA, ipa-idalum sa training ang mga barangay officials bilang mga traffic enforcers kag magalawig lang sang isa ka tuig ang validity sang ila deputation. (AGB)