Pila ka Punong Barangay sa Syudad, May Lain-Lain nga Reaksyon sa Plano nga Pag-deputize sa Ila sang LTO 6

Iloilo City–Handa si North Fundidor, Molo Punong Barangay Leo Aristosa nga magpangdakup sang mga naga-on road parking sang ila salakyan sa iya barangay.

Kasunod ini sang plano sang city government kag Land Transportation Office 6 nga i-deputize bilang traffic enforcers ang mga punong barangay. Suno kay Aristosa, dugang ini nga trabaho para sa mga barangay kapitan apang tinguhaan niya nga matuman.

Kon indi naman makasarang si Aritosa sang trabaho, puwede niya nga irekomendar sa LTO 6 nga i-deputize ang iya barangay kagawad nga chairman sang Committee on Peace and Order.

Ginkuwestyun naman ni Punong Barangay Ray Rico sang Barangay 22 Housing, Mandurriao ang plano nga deputation sa pagsiling nga dugang lang ini nga trabaho sa ila.

Madamo man suno sa iya sang traffic aides kag may mga casuals sa City Hall nga nagapatawhay lang sa ila obra. (AGB)