Iloilo City–Indi mabug-at sa responsibilidad sang mga punong barangay ang pag-deputize sa ila agud magpangdakup sang mga naga-obstruct sa dalan nga sakup sang ila barangay.

Pahayag ini ni Liga President kag Ex-Officio Councilor Reyland Hervias kasunod sang sentimento sang iban nga barangay kapitan nga dugang nga trabaho para sa ila ang pagpangdakup sang mga naga-on road parking. Kilala na suno sa iya sang mga kapitan kun sin-o ang mga tag-iya sang salakyan nga illegal nga naga-park sa dalan gani mahapos na sa ila ang magpangdakup.

Dugang ni Hervias, may poder na nga magdakup ang mga barangay kapitan kon ma-deputize sang Land Transportation Office 6.

Wala naman ini nagakahulugan suno kay Hervias nga matiner na sa dalan. Magluwas sini, indi man tanan nga barangay sa syudad ang may yara sang on-road parking nga nagapadugang sang pagpugok sang trapiko. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply