Dentista, Patay sa Aksidente sang Salakyan sa Calinog; Bana nga Seaman, Pilason
Calinog, Iloilo–Wasak gid ang salakyan ni Dr. Gladys Montinola, isa ka dentista, sang nakabunggo sa puno sang narra sa Barangay Barrio Calinog, Calinog kaina sang kaagahon.
Napatay si Dr. Montinola nga madugay pa nakuha sa salakyan nga iya ginamaneho. Ginsaylo naman sa ospital sa syudad ang iya bana nga seaman nga si Filbert Montinola.
Ginpahayag nga pakadto sa Passi City ang mag-asawa sang natabu ang aksidente kaina sang kaagahon.
Gina-imbestigaran sang Calinog police ang rason kon ngaa nakabunggo ang salakyan. (AGB)