Masobra 15 ka libo pa ka mga drug personalities sa Western Visayas ang wala pa ma-account sang Police Regional Office 6.

Base ini sa data nga nakuha ni PRO-6 Director PCSUPT Jose Gentiles halin sa Camp Crame nga ginpresentar sa command conference kahapon. Ang nasambit nga numero suno sa iya ang mangin target sang Oplan Double Barrel Alpha sang kapulisan matapos nga wala nagsurrender sa Oplan Tokhang.

Amat-amaton sang PRO-6 nga makuha ang nabilin nga 15, 568 ka mga drug personalities tubtub nga maubos antes ang deadline sa Disyembre 31.

Sa syudad sang Iloilo, ginpabutyag ni Gentiles nga masobra duha ka libo pa ka mga drug personalities ang ginapangita sa diin pila sa mga ini ang ginapatihan nagapa-amulya sa probinsya sang Iloilo.

Posible naman suno kay Gentiles nga mabuhinan pa ang masobra 15 ka libo ka mga drug personalities nga yara sa data sang Camp Crame kon ma-account na ang mga napreso nga durugista. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply