3 ka Customers sang Linagaan sa Mandurriao, Ginkastigo sang mga Pamatan-on nga Nagpakilala nga mga Miembro sang Grupo nga “Rampage”
Read Time:1 Minute, 5 Second
Iloilo City–Pilason ang tatlo ka mga customers nga lalaki sang Tata Linagaan sa Guzman-Jesena, Mandurriao sang ginkastigo sang mga suspek nga nagpakilala nga mga miembro sang “Rampage” kaina sang kaagahon.
Yara sa sulod sang linagaan ang mga biktima nga sanday Jessie Cipriano sang Sooc, Arevalo; Evan Meñez sang Greenworld Subdivision sa Mandurriao kag Paul Hilay sang Oñate-De Leon, Mandurruao sang nag-abot ang mga suspek. Ginpahayag nga nagtinulukay ang mga biktima kag suspects antes ang gamo.
Napilasan sa tingkoy kag ilong ang mga biktima sang ginpanglampusan sang yahong kag pusil. Ginpahayag nga ginbuka pa sang mga suspek ang crystal nga dingding sang Tata Linagaan antes nagpalagyo. Gintabunan pa sang mga suspek ang plate number sang ila mga salakyan.
Nagreklamo naman ang bata sang tag-iya sang linagaan sa madugay nga pag-responder sang Mandurriao police. Suno kay Ramir Elisalde, alas-3:42 sang kaagahon siya nagtawag sa police station apang alas-4 sang kaagahon na nakakaaabot ang mga pulis.
Ginpahayag nga may ginrepondeshan nga gamo sa Smallville Complex ang Mandurriao police gamit ang ila patrol car gani nadelay sila sa pag-abot sa linagaan.
Nagpa-athag naman si PSI Rodolfo Pagharion, hepe sang Mandurriao Police Station, nga ulihi man nagtawag ang taga-Linagaan sa ila rason nga ulihi nakaresponder ang iya mga pulis. (AGB)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating