Iloilo City — Estable na ang kondisyon sang 40-anyos nga asawa matapos ginpa-arakan tiro upod ang iya bana sa Barangay Talongadian Sta Barbara.

May pilas sa abaga ang biktima nga ginkilala kay Gerlyn Destacamento, residente sang nasambit nga lugar samtang dead-on-arrival ang iya bana nga si Renato, 43-anyos nga may pito ka igo sang bala sa tiyan, paa, kamot kag iban pa nga parte sang lawas.

Suno kay PO2 John Jerson Sabio, imbestigador sang Sta. Barbara Police Station, nagapauli na ang mga biktima sakay sang ila multi-cab upod ang anum ka trabahador sang hinali lang ginpaarakan tiro sang tatlo ka wala nakilala nga mga lalaki nga nagasakay sa motorsiklo.

Away sa duta ang ginatudlo motibo ni Sabio sa krimen bangud masami nagapa-blotter sa police station ang mag-asawa agud ireport ang mga nabaton nila nga death threats angut sa ginatanuman nga duta.

Nagapabilin nga at large ang mga suspetsado. (JoMaque)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply