Iloilo — Nagdaku ang populasyon sang Iloilo District Jail sa Barangay Nanga, Pototan.

Suno kay Jail Senior Inspector Abner Zamora, warden sang Iloilo District Jail, nagalab-ut sa mil 528 ang inmates sa male dormitory samtang may 95   ka inmates sa female dormitory.

May bag-o nga direktiba naman ang BJMP chief suno kay Zamora nga upudon ang mga inmates nga may pareho nga kaso.

Malapit sa 1,600 ka inmates sa male dormitory suno kay Zamora, halos 59% gid ang may kaso nga drug-related kag gin-upod sa apat ka dormitories.

Nagdaku ang populasyon sang mga inmates nga may kaso may kaangtanan sa illegal drugs halin Hulyo 1.

Apang ginatinguhaan ni Zamora nga mapaayo ang sitwasyon sang mga inmates apisar sang nagadaku nga populasyon.

Ginahimo nila ang tanan nga paagi agud malikawan nga maginutok ang mga preso pareho sang nagakatabu sa iban nga jail facilities sa pungsod.

Maid-id man suno sa iya nga nagabantay ang ila mga gwardiya agud nga wala sang makalusot nga kontrabando. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply