Iloilo City–Indi tanan nga punong barangay sa syudad ang i-deputize sang Land Transportation Office 6 agud makapangdakup sang mga naga-on-road parking.

Pa-athag ni Mayor Jed Patrick Mabilog sa blocktime program sa Aksyon Radyo Iloilo nga Projobs and Economic Development, i-deputize lang ang mga punong barangay nga may problema sa on-road parking sa ila dalanon. Hanason suno kay Mabilog ang mga punong barangay kag pakuhaon sang examination antes i-deputize sang LTO 6 agud mangdakup sang traffic violators.

Plano naman ni Mayor Mabilog nga makigsapol sa mga katapo sang media agud mangayo sang suhestyun sa solusyon sa problema. Nagapati ang alkalde nga may ihibalo ang media sa sitwasyon sa dalanon sang syudad. (AGB)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply