Iloilo City — Nag-conduct sang spot inspection sa mga terminals si Senior Supt Christopher Tambungan, ang chief sang Regional Directorial Staff kag concurrent Regional Director for Operation.

Ginpangunahan ni Tambungan ang pagpanagtag sang mga flyers sa mga pasahero para sa safety tips angut sa crime prevention kag luwas nga pagbiyahe sa mga banwa para sa fiesta minatay.

Kaupod ni Tambungan sa pag-inspection sanday Iloilo City Police Office Director Remus Zacharias Canieso kag Police Regional Office 6 Spokesperson Supt Gilbert Gorero.

Amat-amat na nga nagadugok ang mga pasahero sa mga terminal agud magpauli sa ila mga banwa para magbisita sa ila mga nagtaliwan nga himata.

Ginalauman sang PRO 6 ang zero crime incidents sa pagdumdom sang fiesta minatay.

Una dire, nagpang-inspeksyon man si Canieso sa tanan nga mga patyo sa syudad agud masigurado ang ginapatuman nga seguridad para sa fiesta minatay. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply