(UPDATE) 3 ka Pasahero sang Ceres Bus nga Nasamaran Matapos Natumba ang Bus, Estable na ang Kondisyon
Read Time:52 Second
Iloilo City–Estable na ang kondisyon sang tatlo ka pasahero sang Ceres Bus nga nasamaran matapos natumba ang bus sa Poblacion A, Dueñas kahapon.
Nagapabilin sa Western Visayas Medical Center sanday Von Edward Porras, 30-anyos nga residente sang Brgy. Cubay, San Enrique kag Joylyn Mantiquilla, 30-anyos, residente sang Brgy. Capuling, Dueñas nga may mga pilas sa tuo nga ti-il. Nabali naman ang tudlo ni Arturo Padillo, 60-anyos, residente sang Brgy. Mabalud, Pototan.
Suno kay PO3 Jerome Emplasta, imbestigador sang Dueñas Police Station, may nabatian nga paglinagatok sa idalum sang salakyan ang mga pasahero antes nag-isi-isi ang bus. Ginpahayag sang driver nga si Joenel Pilarco, 41-anyos sang Brgy. Bitaogan, Passi City nga wala na sini na-kontrol ang manibela gani nahulog ang bus sa kilid sang wala pa nahuman nga karsada kag nagbaliskad.
Gin-detain si Pilarco sa karsel sang Dueñas Police Station samtang ginhilway naman ang iya konduktor nga si William de Asis sang Pototan. 19 tanan ang pasahero sang bus nga kalabanan ang may minor injuries. (AGB)
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating