8 ka Pulis nga Nalakip sa Narco List ni Presidente Rodrigo Duterte, Nakasumiter na sang Counter-Affidavit sa NAPOLCOM 6

Iloilo City–Nakasumiter na sang counter-affidavit sa National Police Commission (NAPOLCOM) 6 ang walo ka mga pulis sa Region 6 nga nalawagan ni Presidente Rodrigo Duterte nga ginpahayag drug protectors.

Suno kay NAPOLCOM Technical Services Division Chief-Insp. IV Napoleon Arostique, nakasumiter sang counter-affidavit sanday PSSUPT Ricardo Dela Paz; PSSUPT Ruperto Floro;  PSUPT Ronald Gepana; PSUPT Noel Lamsis; PCI Rio Maymay; PCI Kenneth Militar kag duha ka iban pa. Nagpangayo naman sang extension ang abogado ni PSSUPT Kashmir Disomangcop.

Suno kay Arostique, i-evaluate niya ang natipon nga dokumento kag tan-awon kon may probable cause antes i-rekomendar ang resulta para sa pre-charge investigation sa NAPOLCOM Central Office kag sa opisina ni Presidente Rodrigo Duterte. (AGB)