Balay ni Desamparados Punong Barangay Noemi Jablo sa Cubay, Jaro, Ginraid!

Iloilo City–Ginpanginwala ni Desamparados, Jaro Punong Barangay Noemi Jablo nga involved sa illegal drugs ang iya bana nga si Rasty kag mga himata sini.

Pahayag ini ni Jablo matapos gin-raid sang mga katapo sang Criminal Investigation and Detection Group ukon CIDG ang iya balay sa Barangay Cubay, Jaro kaina sang kaagahon. Bitbit sang CIDG ang search warrant nga pirmado ni Judge Loida Diestro-Maputol sang RTC 6th Judicial Region Branch 28.

Wala sang illegal drugs nga nakuha ang mga operatiba pero narecover ang 45 caliber nga may duha ka magazine kag siyam ka bala, 38 caliber recolver nga may walo ka bala, duha ka bala sang 12-gauge kag duha ka holster sang 45 caliber kag 38 caliber.

Gin-ako ni Jablo nga wala sa ila balay ang iya bana bangud nga ginpabakasyon niya ini matapos ang sunod-sunod nga pagpangluthang sa iya duha ka utod sa diin isa ang napatay. (AGB)