Iloilo City- Todo sa pagpanginwala si Desamparados,Jaro Punong Barangay Noemi Jablo nga involved sa illegal nga druga ang iya bana nga si Rusty kag ang ila mga himata.

Pahayag ini ni Jablo matapos ginraid sang Criminal Investigation and Detection Group ang balay sang mag-asawa sa Barangay Cubay, Jaro kaina sang kaagahon.

Bitbit sang CIDG ang search warrant nga pirmado ni Judge Loida Diestro-Maputol sang RTC 6th Judicial Region Branch 28.

Wala sang illegal drugs nga nakuha sa balay pero may narecover nga 45 caliber pistol nga may dala ka magazine kag siyam ka bala, 38 caliber revolver nga may walo ka bala, duha ka bala sang 12-gauge shotgun kag duha ka holster.

Ginpahayag ni Jablo nga ulihi pa napakita sa iya sang mga operatives ang search warrant.

(AT)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply