Duha ka Lalaki nga Nag-abduct kag Naghimulos sa 14-anyos nga Babaye sa Ajuy kag Nag-upload sang Hublas nga Pictures sini sa Facebook, Napasakaan na sang Kaso
Read Time:59 Second
Napasaka na ang mga kaso baruk sa duha ka mga suspetsado nga ginpahayag nag-abduct kag naghimulos sa 14-anyos nga dalagita sa Ajuy sang damlag lang. Suno kay Chief Inspector Charlie Sustento, hepe sang Ajuy Police Station, nafile na ang kahapon ang kaso nga rape kag human trafficking batuk sa magbayaw nga Raffy Zamora, 29-anyos sang Culasi, Ajuy kag Jurie Arsenal, 43-anyos sang Don Lutero Poblacion, Janiuay. Ginpahayag nga nagpangayo sang bulig sa Ajuy Police Station ang ginakanan ni alyas Grace matapos wala siya nakapauli sa ila balay sang nagbisita sa patyo sang Nobyembre 1. Nadiskubrihan ang kahimtangan sang biktima matapos nagpangayp sang bulig ang iya abyan nga si Alyas Faith sa Ajuy Police kag ginsugid nga nakapost sa facebook ang hublas nga laragway sang biktima. Dugang pa niya, may nagcontact man sa iya gamit ang FB account ni alyas Grace kag naghingyo nga magpadala sang hublas nga laragway kabaylo sang 2 mil 500 pesos. Nadakpan sang nagligad nga adlaw ang mga suspetsado paagi sa gintingub nga pwersa sang Ajuy kag Jaro matapos naghisugot ang mga suspetsado nga makigkita kay alyas Faith para sa transaksyon. Si Zamora suno kay Sustento ang nobyo sang biktima.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
More Stories
6 ka banwa sa Capiz ginbaha bangud sa wala untat nga pag-ulan
CAPIZ – Anum ka banwa sa Capiz ang ginbaha bangud sa wala untat nga pag-ulan dala sang bagyo Paeng, suno...
5 ka trabahador sang Daewoo Construction nga na-trap sa baha, gin-rescue sang taga-MDRRMO sa Calinog
ILOILO – Gin-rescue ang lima ka mga trabahador sang Daewoo Engineering and Construction sang na-trap sila sa baha sa Barangay...
ICPO preparado na para sa All Saints’ kag All Souls’ Day
ILOILO CITY – Nakahanda na ang puwersa sang Iloilo City Police Office sa pagbantay sang kalinong kag katawhay sa All...
2 ka suspects sa pagpatay kay Claire Diergos, nag-plead sang ‘not guilty’ sa kaso
ILOILO -- Nag-plead sang "not guilty" sa kaso ang duha ka mga suspects sa pagpatay kay Claire Diergos, ang babaye...
Red Zone Area bangud sa ASF, ipaidalum sa lockdown sang Iloilo Provincial Government
Ipaidalum sang Iloilo Provincial Government sa lockdown ang Red Zone Areas bangud sa African Swine Fever (ASF). Ginakabig nga Red...
P1-M nga balor sang suspected shabu, na-recover sa estudyante sa buy bust operation sa Pototan
ILOILO -- Masobra P1 million nga balor sang suspected shabu ang na-recover sa estudyante nga nadakpan sa drug buy bust...
Average Rating