Nadakpan sa Antique kaina sang kaagahon ang ginatudlo nga high value target drug personality sa Barangay Bakhaw, Mandurriao si Boni Gregori, bata ni Punong Barangay Remia Prevendido-Gregori kag hinablos ni PDEA 6 identified drug group leader Richard Prevendido.

Suno kay PSI Jigger Gimeno, nadakpan si Gregori sa buybust operation kag nakuhaan sang indi magnubo sa 50 grams sang suspected shabu sa Barangay Camandagan, Tobias Fornier, Antique. Magluwas kay Gregori, na-aresto man sanday Glen Pedrajas, Robert Pedrajas, Aquilino Pedrajas Jr, Crisanto Morada, Lino Pedrajas III, Arjie Eiman, Johnny Rapado kag Juna Fe Tabio.

Ang operasyon ginhimo sang PDEA 6, Anti-Illegal Drug Group National, Special Operations Unit ni PRO-6 Director Jose Gentiles kag Tobias Fornier police. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply