Si Albuera, Leyte Mayor Rolando Espinosa kag upod sini nga preso sa Baybay City Police Station sa Leyte ang una nga nagtiro sa mga operatiba sang Criminal Investigation and Detection Group nga maserbe kuntani sang search warrant sa ila sa prisuhan.

Ini ang nakalab-ut nga report kay PCSUP Elmer Beltejar, director sang Police Regional Office 8, sa interview sang Aksyon Radyo Iloilo. Suno sa iya, natabu ang pagserbe sang search warrant las-4 kaina sang kaagahon.

Serbihan kuntani si Espinosa sang warrant para sa illegal possession of firearm samtang para naman sa illegal possession of illegal drugs si Raul Yap.

Si Espinosa ang gin-aresto bangud sang illegal nga druga sang Oktubre 5. Siya ang amay ni Kerwin Espinosa, kilala nga drug lord sa Eastern Visayas kag ginpahayag nga ginakuhaan man sang supply sang ginpatay nga si PDEA 6-identified drug group leader Melvin Odicta. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply