79-anyos nga Lalaki sa Oton, Patay Matapos Ginlampusan sang iya Himata

Oton, Iloilo–Patay ang 79 anyos nga lalaki sa Barangay Cabanbanan matapos ginlampusan sang bato sang iya himata kagab-i.

Napatay sa ospital si Jose Ego. Preso naman ang iya apo nga si Loreto Ego, 39-anyos sang Catiringan, Igbaras.

Gin-ako ni Loreto nga ginlampusan niya ang biktima bangud nga naakig siya sa asawa sini nga nagpabati-bati sa iya sang indi maayo nga istorya. Ginpahayag ni Loreto nga hubog siya kagab-i sang ginhimo ang krimen. (AGB)