Iloilo–Mahimo pa maka-apelar si Vice Mayor Rufino Palabrica III sang Dingle matapos nga gin-dismiss sang Office of the Ombudsman sa kaso nga dishonesty kag grave misconduct.

Apang suno kay Department of Interior and Local Government ukon DILG 6 Director Anthony Nuyda, mangin epektibu ang dismissal order samtang wala pa sang desisyon kon nag-apelar gid man si Palabrica sa mandu. Ginkumpirmar ni Nuyda nga na-serbe na sini ang dismissal order sang nagligad nga semana.

Magabulos kay Palabrica suno kay Nuyda ang number 1 councilor sang Sangguniang Bayan.

Ang dismissal order nag-ugat sa reklamo sang 2009 sang natukiban sang field investigation office nga may dummy sa negosyo sang asawa ni Palabrica nga si Theresa nga magpangontrata sa mga proyekto sang banwa kag wala nagafile sang income tax return kag wala man nagbayad sang buhis sa BIR halin 2000 tubtob 2006. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply