Iloilo City — Ginbawian sang National Police Commission ukon NAPOLCOM sang deputation ang mga mayors sa Panay nga nalakip sa narco list ni Presidente Rodrigo Duterte.

Nag-isyu ang DILG-NAPOLCOM sa Quezon City sang Resolution Number 2016-678 nga nagakakas kag naga-revoke sang tanan nga duties, obligasyon, gahum kag prerogatives nanday Calinog Mayor Alex Centena, Hamtic Antique Mayor Julius Ronald Pacificador, Iloilo City Mayor Jed Patrick Mabilog, Carles Mayor Siegfredo Betita kag Maasin Mayor Mariano Malones.

Nagpaguwa sang resolution matapos nga ginlawag ni Presidente Duterte sang Agosto 7 ang mga former kag incumbent government officials lakip ang lima ka local chief executives sa panay nga ginpahayag may kahilabtanan sa illegal drug trade.

Base sa Section 64 sang Philippine National Police Reform and Reorganization Act of 1998, may gahum ang mga mayors kag governors sa pag-inspect sang police forces kag units, pag-audit kag pag-exercise sang iban pa nga functions nga gina-otorisar sang NAPOLCOM. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply