Iloilo — Nagpasalig si Chief Inspector Fernan Limbungan, chief sang Police Community Relations sang Iloilo Police Provincial Office nga tinguhaan sang PNP nga matapos ang problema sa illegal nga druga sa mga drug-affected nga mga barangay sa probinsya.

Nadiskubrehan nga 851 nga kabarangayan sa probinsya ang drug-affected kasunod sang paglunsar sang Philippine National Police sang barangay drug-clearing operations.

Suno kay Limbungan, natalana nga matapos ang operation phase sang barangay drug-clearing operation sa sulod sang 12 ka adlaw.

Sunod nga umpisahan suno sa iya ang post-operation phase nga magatakop sa Disyembre 10 para sa 100-day barangay drug-clearing operations.

Ginhingyo naman ni IPPO Director Harold Tuzon nga maga-umpisa na ang kapulisan sa post-operaton phase agud madasig nga matapna ang problema sa illegal nga druga.

Ginpahayag nga halos 50% sang kabarangayan sa probinsya ang drug-affected. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply