Iloilo City–Gintuman ni Mayor Jed Patrick Mabilog ang iya plano nga magkuha sang suhesyun sa mga katapu sang media angut sa plano nga pag-deputize sang Land Transportation Office sa mga punong barangay sa syudad agud mangdakup sang mga naga-on-road parking kag naga-obstruct sa dalan.

Nagbisita  sa Aksyon Radyo Iloilo ang alkalde agud magkuha sang opinyon sa plano sang city government antes ini nga ipatuman. Inisyatibo ini ni Mayor Mabilog agud nga masiguro nga mapatuman sang insakto ang deputation sa mga barangay kapitan.

Sa blocktime program ni Mabilog sa Aksyon Radyo, ginpabutyag sini nga nakatuon na siya sang leksyon bangud sa mga nga ginkuwestyun kag ginpakamalaot pero naglikaw ang alkalde nga magpaathag sa mga katapu sang media.

Nagapati si Mabilog nga paagi sa pagkonsulta sa mga katapu sang media, mas mangin komprehensibo ang plano sa pagsolbar sang problema sa trapiko. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply