Iloilo City–I-require ang mga establishmento komersiyal sa siyudad nga magbutang sang suga sa guwa sang ila puwesto sa tiun makapasar ang proposed ordinance nga gin-file ni Councilor Joshua Alim.

Suno kay Alim, katuyuan sini nga makabulig sa pagtapna sang kriminalidad nga masami nagaluntad sa madulom nga mga lugar. Daku man ang mabulig sini suno kay Alim sa CCTV Ordinance sang siyudad ilabe na sa mga establishmento nga may indi maayo nga kalidad sang CCTV camera.

Gin-ako ni Alim nga responsibilidad sang gobyerno ang pagpasanag sang palibot pero nagalaum siya nga magahimo man sang ila share ang mga negosyante paagi sa pagbutang sang suga sa guwa sang ila establishmento.

Natukiban naman ni Alim nga may kasubong na nga ordinansa nga napasar sang 1966. Hibaluon ni Alim kun diin nga parte sini ang mahimo ma-amyendar kag istrikto nga mapatuman. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply