Warden sang Iloilo District Jail sa Pototan, Nagreklamo sa Iregularidad nga Nakita sa Greyhound Investigation Kahapon

Pototan, Iloilo–Napalab-ut na ni Jail Senior Inspector Abner Zamora sang Iloilo District Jail sa Pototan kay BJMP 6 Regional Director Senior Superintendent Rex Delarmente ang mga irregularidad nga iya na-obserbahan sa pag-conduct sang joint greyhound operations kahapon.

Gintumod ni Zamora ang operatiba sang Philippine Drug Enforcement Agency nga naka-outside holster sang nagsulod sa mga selda kahapon. Suno kay Zamora, bawal gid sa sin-o man nga magsulod sa jail facility nga magdala sang pusil.

Napalab-ut naman ini suno sa iya kay Senior Superintendent Marlon Tayaba sang CIDG 6 nga upod man sa joint operation.

Sa operasyon kahapon, narecover ang mga kontrabando pareho sang improvised deadly weapon, communication accessories kag plastic sachets sang suspected shabu. (AGB)