Iloilo City — May pulis nga nagabantay sa entrance sang Smallville Complex sa Diverson Road Mandurriao sang natabu ang shooting incident.

Gin-athag ni Inspector Juan Tigaronita, ang imbestigador sang Mandurriao Police Station nga natabuan nga yara sa MO2 bar ang mga pulis sang nagluntad ang kinagamu sang grupo sang mga pamatan-on.

Nag-responder man gilayon suno sa iya ang mga pulis kag naabtan pa ang grupo sang mga pamatan-on.

Gintudlo sang grupo nga ginlagas sila kag gintayaan sang pusil sang grupo sang biktima nga si Vincent Albert Tan sang Ticud La Paz.

Ginpahayag nga naglabay lang ang seaman nga si Jonathan Lozada sang nakita ang sitwasyon gani ginsaway ang grupo ni Tan apang nagpalupok suno sa iya si Tan kag naigo sa dughan ang iya hinablos nga si Robert Angelo Lozada.

Nagpalupok si Lozada kag naigo si Tan nga ginkabangdan sang iya kamatayon.

Nag-surrender si Lozada sa Mandurriao police kag ginturn over man ang iya pusil.

Samtang ginsaylo nba sa Lambunao District Hospital halin sa Iloilo Doctor’s Hospital ang hinablos ni Lozada kag yara na sa estable nga kondisyon.  (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply