Iloilo City — Makapagusto pangdakup ang mga law enforcers sa ginasuspetsuhan nila nga nakahimo sang sala kon suspendiron ang writ of habeas corpus.

Pa-athag ni Atty. Eldrid Antiquiera, ang writ of habeas corpus, espesyal nga writ sa probisyon sang constitution nga ginapapanaug sang korte kag nagamandu sa law enforcement unit nga i-produce ang lawas sang tawo nga ginadudahan nga ila ginpick-up.

May positibo kag negatibo nga resulta ang pagsuspender sang writ of habeas corpus suno kay Antiquiera.

Sa positibo nga aspeto, mahapos ang pagpa-untat sang rebelyon ukon lawlessness bangud madugay pa kon ipaagi sa judicial process ang pagdakup sa ginasuspetsuhan nga may plano nga magsabwag sang kalakasan.

Pero mahimo man nga magresulta sang negatibo ang tikang bangud sang posibilidad nga abusuhan.

Sang nagligad nga semana, ginpahayag ni Presidente Rodrigo Duterte nga posible isuspender niya ang writ of habeas corpus kon magapadayon ang lawlessness sa Mindanao.

Gin-athag naman ni Antiquiera nga presidente lang ang makapasuspender sang writ. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply