Iloilo City — Ginreklamo nga nagpakita sang iya kinatawo ang driver sang kotse sa grade 8 student nga babaye sa Jaro plaza kahapon sang hapon.

Suno kay alyas Joy, 14 anyos, nagalakat siya sang ginsunod sang suspek kag ginapamangkot pero wala niya ginasapak.

Apang nakibot si Joy sang nagdulog siya, ginpadulog man sang suspek nga nakasakay sa itom nga awto ang iya salakyan, ginpapanaug ang car window kag ginpakita ang iya kinatawo.

Suno pa kay Joy, nagbinastos pa gid ang driver sa iya atubang gani nga nagdalagan siya kag nagsakay sa depasero nga jeep.

Ginlaragway ni Joy ang lalaki nga daw adik kag nagakadlaw sa iya ginhimo.

Wala nakuhaan sang estudyante sang plate number ang salakyan pero natandaan sini ang hitsura sang driver. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

2 thoughts on “14-anyos nga Dalagita, Nagreklamo nga Ginpakitaan sang Kinatawo sang Driver sang Kotse sa Jaro Plaza”

Leave a Reply