Apat ka Police Officials nga Nalakip sa Narco List ni Presidente Rodrigo Duterte, Ginkasuhan na sang NAPOLCOM 6

Iloilo City–Ginkasuhan na sang National Police Commission ukon NAPOLCOM 6 ang apat ka police officials sa Western Visayas nga nalawagan ni Presidente Rodrigo Duterte sang Agosto 7  nga ginpahayag drug protectors.

Ang apat ka mga opisyal amo sanday PSSUPT Ruperto Floro, PSSUPT Khasmir Disomangcop, PCI Rio Maymay kag PSI Ramiro Christopher De Jose.

Kaso administratibo nga incompetence ang gross neglect of duty ang ginpasaka sa kanday Floro, Disomangcop kag Maymay bangud sa pagpabaya sa kampanya kontra sa illegal nga druga suno sa taga-NAPOLCOM. Grave misconduct naman ang ginfile nga kaso kay De Jose bangud sa indi mapa-athag nga manggad.

Suno kay NAPOLCOM investigator Allen Camiring, padal-an nila sang sulat ang apat ka police officials kag i-serve ang formal charge sa kaso administratibo agud makasabat sila paagi sa counter-affidavit. (AGB)