Iloilo–Aprubado na sa first reading ang proposed ordinance ni Board Member Manny Gallar nga magadumili sa pagbitbit sang makamamatay nga mga hinganiban sa pampubliko nga mga lugar.

Nagalaum si Gallar, chairman sang Committee on Public Order and Safety sang Sangguniang Panlalawigan, nga suportahan sang iya mga kaupod ang ginaduso nga ordinansa. Ginpahayag ni Gallar nga nadiskusyunan sa meeting sang Provincial Peace and Order Council ang problema sa mga madakpan nga nagadala sang deadly weapons nga indi ma-detain bisan pa nga may Batas Pambansa Numero 6.

Base sa proposed ordinance ni Gallar, multahan sang P1, 000 ang first offenders; P2, 500 sa second offenders kag P5, 000 kag isa ka bulan tubtob isa ka tuig nga pagkapreso, depende sa discretion sang korte, sa third offenders. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply