Iloilo — Nagpamalibad nga magpa-interview ang pari sa Sta Barbara nga wala nagpagamit sang CR sang simbahan.

Wala na naghatag sang pahayag si Monsignor Juanito Tuvilla angut sa reklamo ni alyas Apple, 35-anyos nga nagreklamo sang Aksyon Radyo Iloilo nga wala siya ginpa-ihi sa CR sang simbahan.

Nagatambong sa car show sa plaza sang Sta Barbara si Apple sang gin-abot sang ilihi-on.

Nagkadtu ini sa simbahan agud magamit sang CR bangud ini ang pinakamalapit kumparar sa iban nga establisimento sa plaza.

Apang nakibot si Apple sang ginhambalan siya ni Monsignor Tuvilla nga indi siya makagamit sang CR bangud indi man siya sumilimba kag wala man sang event sa simbahan.

Ginrason ni Tuvilla nga semi-public ang CR sang simbahan bangud may mga tawo nga nagahakot sang tubig kag dire nagapanglaba.

Ginpahayag nga nagpakitlooy pa si Apple kay Tuvilla bangud nga daw masumpit na gid ang iya ilihion apang nagapakatig-a ang pari.

Nagpangita na lang sang establisimento sa banwa si Apple agud nga makapangihi. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

One thought on “Pari sa Sta Barbara, Ginreklamo nga Wala Nagpagamit sang CR sang Simbahan”
  1. HYPOCRISY AT THE HIGHEST LEVEL. THESE PRIEST COMES FROM THE SAME GROUP OF PEOPLE OR CLOWNS THAT HATES DETUERTE AND LOVES ABNOY! TYPICAL IDIOCITY OF YELLOWTARDS AND CBCP HYPOCRISY!

Leave a Reply