Iloilo City–Ginsuguran na sang Iloilo City Police Office ang pag-implementar sang Operation Bakal sa mga ilimnan sang Lunes.

Ginkumpirmar ini ni ICPO Director PSSUPT Remus Zacharias Canieso matapos nabaton ang sulat ni Councilor Joshua Alim nga ibalik ang operasyon agud mapunggan ang mga krimen sa syudad. Magluwas sa Smallville Complex sa Mandurriao, nagconduct man ang mga pulis sang operasyon sa mga ilimnan sa JM Basa Street, City Proper. Ginasaway man suno kay Canieso ang grupo sang mga pamatan-on nga naga-standby sa kilid sang karsada nga naga-inom kag nagapamati sang music.

Ginpabutyag ni Canieso nga madugay na gina-conduct sang kapulisan ang Operation Bakal apang na-obserbahan nila nga wala ginadala sang mga nagapanggamu ang pusil sa sulod sang ilimnan. Base sa mga insidente nga narespondehan sang mga pulis, masami makita ang pusil sa sulod sang salakyan.

Mangin routine activity na sang kapulisan suno kay Canieso ang Operation Bakal ilabe na sa Smallville Complex.

Gina-obserbar naman sang kapulisan ang kurtesiya sa management sang mga establisimento antes mag-conduct sang Operation Bakal. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply