General Santos City – Ginpasakaan na sang kaso nga kidnapping kag paglapas sa RA 7610 ukon Protection Against Child Abuse  ang bana ni De Samparados,  Jaro Punong Barangay Noemi Jablo nga si Rasty Jablo.

Kasunod ini sa pagpanghostage kahapon ni Jablo sa anum ka bulan nga bata sa atubang sang Police Station 4 sa General Santos City.

Ginpahayag ni Senior Superintendent  Maximo Laguyan,  City Director sang General Santos City nga ginhostage ni Jablo ang bata sang iya ginadayunan sa siudad. Nakibot ang mga police suno kay Laguyan nga sang nag-abot si Jablo sa atubang sang police station, hinali lang ini naghunos sang kutsilyo kag gintayaan ang bata.

Naglawig sang 30 minutos ang hostage crisis suno kay Laguyan antes  nagsurender si Jablo.

Ginsearch sang CIDG6 ang balay ni Jablo sa Barangay Cubay,  Jaro sang Nobyembre 4  kag may narecover nga  45 caliber pistol dala ang magazine kag siyam ka bala ,38 caliber revolver nga may walo ka bala, duha ka bala sang 12 guage shotgun kag duha ka holster.

Ginpalikaw si Jablo sang iya ginikanan suno sa Punong Barangay bangud sang sunod sunod nga kalakasan nga ginahimo sa iya mga ka-uturan.

(Aljohn Tubelleja Torreta)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply