Iloilo City – Wala nakahibalo si Desamparados,  Jaro Punong Barangay Noemi Jablo nga didto sa General Santos City ang iya bana nga si Rasty.

Nakibot lang ang Punong Barangay sang nabati-an ang balita  nga nagpanghostage ang iya bana  sang anum  ka bulan nga bata sa atubang sang Police Station 4 sa General Santos City.

Sa kataposan  nga kontak sang Punong Barangay kay Rasty, nagdumdum ini nga didto siya sa Manila.

Ginpalikaw si Rasty sang iya ginikanan bangud  sang ginahimo nga kalakasan sa iya ka-uturan.

Ginpanindugan ni Punong Barangay Jablo nga wala naga gamit sang illegal drugs ang iya bana. Kon nagpanghostage ang iya bana, ini ang mahimo nga nadakop sang nerbyos bangud sang madamo nga problema.

Suno kay Jablo, nag tumar sang maintenance medicine ang iya bana para sa high blood kag mataas mas ang iya sugar.

Ginsearch sang CIDG6 ang balay ni Jablo sa Barangay Cubay, Jaro sang Nobyembre 4 kag narecover  ang 45 caliber pistol dala ang magazine kag 9 ka mga bala , 38 caliber revolber nga may 8 ka mga bala, duha ka bala sang 12 guage shotgun kag duha holster.

 

(Aljohn Tubelleja Torreta)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply