Tatlo ka Punong Barangay sa Syudad, Posible Makasuhan sang Administratibo Bangud sa Ginpahayag Kakulangan sa Anti-Illegal Drug Campaign

Iloilo City–May nakit-an nga basehan ang city council agud pasakaan sang kaso administratibo ang tatlo ka mga punong barangay sa siyudad bangud sa ginpahayag kakulangan sa kampanya kontra illegal nga druga.

Ini ang ginpahayag ni Councilor Plaridel Nava kasunod sang ginhiwat nga executive session kahapon upod ang taga-Iloilo City Police Office, Department of Interior and Local Government kag Philippine Drug Enforcement Agency ukon PDEA. Nagpamalibad naman si Nava nga maghatag sang dugang nga detalye sa ila na-istoryahan sa executive session.

Kalakip sa mga gina-imbestigaran sang konseho sa pagpanguna ni Councilor Jeffrey Ganzon, chairman sang Committee on Police Matters and Public Safety sanday Punong Barangay Keith “Dabing Espinosa sang Monica, City Proper; Remia Prevendido-Gregori sang Bakhaw, Mandurriao kag Noemi Jablo sang Desamparados, Jaro.

Natalana sa Nobyembre 25 ang masunod nga executive session sang konseho. (AGB)