Antique–Nagalaum si Governor Rhodora Cadiao nga maghagan-hagan ang illegal drugs sa probinsya kasunod sang pagkapatay kay provincial guard Enecito Escaner nga ginatudlo high value target drug personality kag Caridad, Hamtic Barangay Kagawad Robert Magbanua nga ginapatihan naman nga drug protector.

Gin-ako ni Cadiao nga madamo pa sang nabilin nga drug personalities sa probinsya apang wala sang untat suno sa iya ang kampanya sang kapulisan kontra illegal nga druga. Nagadayaw man ini sa kaisog ni Antique Police Provincial Office Director Leo Erwin Agpangan nga matapna ang illegal drugs sa probinsya.

Gintumod sini ang pagpanguna ni Agpangan sa pagdakup sa grupo ni Boni Prevendido-Gregori sa Tobias Fornier, Antique nga isa sa mga high value target drug personalities sa syudad sang Iloilo.

Napatay sanday Escaner kag Magbanua matapos nga ginpahayag nagbato sa mga pulis sa buybust operation sang Provincial Anti-Illegal Drug Special Operations Team ukon PAIDSOT sang Antique kag municipal AIDSOT sang San Jose Municipal Police Station. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply