Iloilo City — (UPDATE) Nag-aregluhanay na ang principal kag ang grade 1 teacher sang Jaro 1 Elementary School matapos ginreklamo sang maestra sa DepEd Regional Office ang principal bangud sa pagpalansang sa iya classroom halin sang domingo tubtub kahapon sang aga.

Nag-atubangay kahapon sanday Ave Babao kag si Dr.  Leaneth Trinidad, principal sang Jaro 1 Elem.  School matapos nabatian sa aksyon radyo ang reklamo sang maestra. Nagpatunga sa duha si Mr. Gabriel Pintor, ang district supervisor.

Suno kay Babao, medyo akig pa si Dr. Trinidad sa ila pag-atubangay apang nagpaathag siya kun ngaa wala siya nakalisensya sang personal sang nagtambong sa 3 ka adlaw nga seminar sa Antique.

Ginrason sini nga kun temprano lang ginpahibalo ni Trinidad nga may memo siya para sa training, kuntani temprano man siya nga nakalisensya.

Ginrason naman ni Trinidad sa pagpalansang sa classroom ni Babao amu nga maprotektahan ini sa mga nagapaninlo nga ginikanan agud indi madula ang iya mga pagkabutang.

Para kay Babao, insulto kag paglapas sa tawhanon niya nga kinamatarong ang rason ni Trinidad. (JoMaque)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply