Biyahe sang Fast craft kag Roro halin Iloilo pa-Bacolod and Vice versa, Ginkanselar kasunod sang Pagpaidalum sa Signal Number 1 ang Iloilo kag Negros Occidental bangud sang TD Marce

Iloilo City — Kanselado ang biyahe sang fast craft kag RoRo Iloilo pa-Bacolod and vice versa kaina sang aga.

Bangud ini sa pagpaidalum sa Negros Occidental sa Public Storm Warning Signal Number 1 bangud sang Tropical Depression Marce.

Asta naman sa alas 6 sa gab-i ang biyahe sang pumpboats halin Iloilo City pa-Guimaras and vice versa.

Gin-limitahan sa 75% ang capacity sang pumpboat ang ginpasugtan nga makasakay tubtub alas 6 sa gab-i.

“Class suspensions”

Ginkanselar ni Mayor Jed Patrick Mabilog ang klase sa tanan nga public kag private elementary and secondary schools sa syudad kaina sang aga.

Ginpanugyanan ni Mabilog ang mga pumuluyo nga maghalong kag mangin updated sa mga balita sa radyo, telebisyon kag social media angut sa sitwasyon sang bagyo nga posible magdala sang madamol nga ulan kag magaresulta sang baha.

“Ginpa-alerto”

Ginkumpirmar naman ni Public Information Officer Cherry Mae Naranjo sang Office of the Civil Defense nga ginpa-alerto na sang Department of Interior and Local Government (DILG) ang tanan nga local chief executive sa isla sang Panay kag Guimaras sa posible nga paglabay ni Tropical Depression Marce.

Nagsapol ang mga miembro sang Regional Disaster Risk Reduction Management Council (RDRRMC) agud makapanghanda.

Gin-check man sang OCD ang preparasyon sang DILG, DSWD, Philippine Coast Guard, DOST kag Mines and Geosciences Bureau kun anu nga mga banwa ang ginabantayan para sa posible landslide. (JoMaque)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %