Iloilo–Kanselado ang klase halin pre-school tubtob high school sa syudad subong nga adlaw bangud napa-idalum na sa Signal Number 2 dala sang Bagyo Marce ang Iloilo.

Gin-anunsyar ni Mayor Jed Patrick Mabilog nga wala sang klase subong nga adlaw sa syudad. Nakadepende naman suno sa iya sa school administrators kon kanselahon man ang klase sa kolehiyo.

Base sa DEPED Order, automatic nga kanselado ang klase halin pre-school tubtob high school sa mga pampubliko kag pribado nga eskwelahan kon napa-idalum sa Signal Number 2 ang isa ka area. Nagakahulugan nga suspendido man ang klase sa mga eskwelahan sa probinsya subong nga adlaw.

Samtang suspendido man ang biyahe sang tanan nga sakayan pandagat subong nga adlaw suno kay Lieutenant Commander Ramil Palabrica sang Coast Guard-Iloilo Station. Ginalakipan ini sang biyahe sang roro vessels, mga fast crafts kag pumpboats. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply