Work Stoppage Order Nga Ginpapanaog Ni Labor Secretary Silvestre Bello Para Sa Naga Obra Kag Nagabaligya Sang Pyrotechnics Kag Firecrackers, Ginpatuman Na

Iloilo City – Ginpa-untat ang paghimo kag pagbaligya sang firecrackers kag pyrotechnics sa region 6. Ini nga tikang suno kay OIC DOLE6 Director Salome Siaton kasunod sa work stoppage order sa faktorya sang palopok nga ginpagwa ni DOLE Secretary Silvestre Bello .

Magapadayun lang ang pahimo kag pagbaligya sang palopok suno kay Siaton kon maka comply ang tag-iya sang faktorya sang Occupational Safety and Health kag Labor Standard.

Ginmandu ni Secretary Bello ang work stoppage sa pagbaligya kag paghimo sang mga palopok.  Suno kay Siaton, bangud ini sang sunod sunod nga insidente nga nagresulta sa pagkapilas kag pagkapatay sang naga obra sang firecrackers kag pyrotechnics.

Nag coordinate na si Siaton sa Philippine National Police , Bureau of Fire Protection kag Local Government Units agud ipaathag ang work stoppage order sang DOLE Secretary sa mga naga himo kag naga baligya sang palopok.

(Aljohn Torreta)