Zarraga, Iloilo–Bali ang wala nga kamot sang driver sang delivery truck sang nakabunggo sa Ceres bus kag natumba sa dalan sa Brgy. Sigangao, Zarraga kaina sang aga.

Nagapakadtu sa Brgy. Bangga Bante ang truck nga ginamaneho ni Louie Ecube, 29-anyos sang Hinigaran, Negros Occidental sang gulpi ini nga naglikaw sa motorsiklo. Suno kay PO1 Rogelio Amador, imbestigador sang Zarraga Police Station, overloaded ang delivery truck nga may karga nga mga packages gani nabudlayan ang driver nga makabalik sa iya lane sang naglikaw sa motorsiklo kag naglapaw sa pihak nga lane kag nabungguan ang bus nga ginamaneho ni Lope Monterde, 42 sang Balasan.

Napiskan naman sang buka nga kristal ang wala nga mata ni Remar Martinez, 29-anyos sang Railway, La Paz kag pasahero sang bus.

Madasig nga gindala sa ospital ang driver sang delivery truck kag ang pasahero. Na-discharge sa ospital ang pasahero samtang nagapabilin sa ospital ang truck driver. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply