Cabatuan, Iloilo–Patay 19-anyos nga Marine Engineering student nga ginbuno sang iya man lang amay sa Brgy. Pamuringaw Proper, Cabatuan kagab-e.

Gindala pa sa Ramon Tabiana District Hospital si Keith Marvin Alimani sang Brgy. Tupol Oeste apang gindeklarar nga napatay bangud sang pilas sa dughan. Nakapalagyo ang amay sang biktima si Cerelo Alimani pagkatapos sang insidente.

Ginpahayag nga ginsugat sang suspek ang iya bata nga naga-inum-inum sa Brgy. Pamuringaw Proper kag ginpapauli. Suno sa mga testigo, gintapungol sang amay ang iya bata kag samtang nagapauli sila, may komosyon nga natabu tubtob nabun-an sang amay ang iya bata. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply