Bangkay sang 17-anyos nga Lalaki sa Zarraga nga Nalumos sa Baha, Nakita na

Zarraga, Iloilo–Nakita na ang bangkay sang 17-anyos nga lalaki nga nadula sang nagbaha sa Barangay Libongcogon sang Sabado.

Suno kay Mayor John Tarrosa, nakita ang bangkay ni Mark John Soriano mga tatlo ka metro lang halin sa lugar sa diin siya nadula. Nasiud suno kay Tarrosa sang lambat ang lawas ni Soriano gani wala nadala sang daludo sang tubig halin sa suba.

Suno naman kay PSI John Paul Guay, hepe sang Zarraga Police Station, wala gilayon nasalbar ang biktima bangud sang pagragasa sang tubig dala sang mabaskug nga pag-ulan. (AGB)