Iloilo–Nakapauli na ang libo-libo ka mga evacuees sa probinsya nga na-apektuhan sang pagbaha bangud sa pag-ulan dala sang Bagyo Marce.

Suno kay Provincial Disaster Risk Reduction and Management Officer Jerry Bionat, nagalab-ut sa 18 ka banwa ang ginbaha nga ginabug-usan sang Leganes at Zarraga sa 2nd District; Pototan, Janiuay, Calinog kag Lambunao sa 3rd District; Barotac Nuevo, Dumangas, Dueñas, Banate, Passi city kag San Enrique sa 4th District kag Carles, Estancia, Concepcion, Batad, Balasan, kag San Dionisio sa 5th District. Halos naglab-ut sa lima ka libo ka indibidwal ang nag-evacuate ilabe na Dumangas, Zarraga, Pototan, Dueñas at Passi City bangud sa pag-awas sang Jalaur River.

May ginreport nga 17-anyos nga lalaki nga napatay bangud nalumos sa Zarraga kag may napatay man sa pagkakuryente sa Barotac Viejo. Pila ka fishing boats man ang naguba sa Estancia kag Carles.

Nagapati si PDRRMO Bionat nga epekto na ini sang climate change bangud madamo nga lugar nga wala ginabaha sang una ang ginbaha sang paglabay ni Bagyo Marce. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply