Lalaki sa Arevalo, Ginlampusan sang Kalan sang Iya Bilas bangud Magahud!

Iloilo City–Naghurma gid ang letter U sa guya sang 58-anyos nga lalaki nga ginlampusan sang kalan sang iya man lang bilas sa Zone 10, Calaparan, Arevalo kagab-i.

Ginkilala ang biktima kay Nelson Lintuko samtang ang suspetsado amo si Marlon Navarete. Suno sa suspetsado, ginlampusan niya sang kalan ang biktima bangud magahud kag nagapabati-bati sang istorya parte sa iya pamilya.

Ginpabutyag ni Navarete nga nadala lang siya sang iya emosyon kag ginahinulsulan man ang iya ginhimo. Ginpreso pa si Navarete sa Arevalo Police Station apang ginpaguwa man bangud wala sang plano ang iya bilas nga magpasaka sang kaso. (AGB)