Municipality of Dumangas – Ginpreso sang mga pulis sang Dumangas ang 41-anyos nga lalaki matapos nakit-an sang testigo nga nagmalisya sa 82-anyos nga babaye sa sulod sang payag.

Ginkilala ang suspect kay Romel Duremdes, driver kag residente sang nasambit nga banwa.

Suno sa 40-ayos nga testigo nga babaye, nakita gid niya nga nagaluhod sa salug nga kawayan ang suspect  sa tunga sang magtimbang nga hita kag ang iya nga ulo ara naga-atubang sa kinatawo sang iya nga tiya nga nakasuksok sang diaper.

Gindakop sang mga Brgy. Tanod si Duremdes kg gindala sa Police Station apang ginpanginwala sang suspect nga ginmalisyahan niya ang tigulang.

Nag-ako ang suspect nga nakainom siya sang whisky antes magsulod sa payag sang iya tiya sang nabati-an  nga nagapangayo ini sang bulig bangud naguwa sa mosquitero ang iya magtimbang nga tiil.

(Aljohn Torreta)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply