Iloilo City – Ginaplastar sa Comprehensive Drainage Plan sang DPWH ang mga lugar nga butangan sang drainage kag kon ano nga klase ang ibutang agud malikawan ang pagbaha.

Pa-athag ini ni Engr. Rodney Gustilo sang DPWH-City Engineering District Office, kadungan sa pagkonfirmar nga nahatagan sang kopya sang plano ang City Government. Sa madumduman ni Gustilo, resulta ang Comprehensive Drainage Plan sang feasibility study sang ila opisina sang una.

Gin-ako ni Gustilo nga may mga drainage nga outmoded sa iban nga portion sang dalanon nga 1970’s pa ginbutang kag wala pa na-ilisan. May mga naplastar naman suno sa iya nga drainage nga may outfall na sa dagat pero wala pa naga-inangut.

May i-implementar nga proyekto ang DPWH suno kay Gustilo nga main canal sa Jalandoni City proper nga paga-angutan sang drainage sa Delgado kag Jalandoni.

(Aljohn Torreta)

 

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply