Iloilo City–Gin-engganyo ni Iloilo City Loop Alliance of Jeepney Owners and Drivers Association ukon ICLAJODA President Raymundo “Boyet” Parcon sa mga drivers sa syudad nga maghingagaw sa drug test sa Police Regional Office 6.

Suno kay Parcon, tubtob na lang sa Disyembre 3 ang drug testing sa mga drivers nga ginahimo sa Campo Delgado. Nagdesisyon ang nagkalain-lain nga transport groups nga untaton ang drug testing sa mga drivers sang PUJs kag taxi bangud na-obserbahan nga gamay na lang ang numero sang mga drivers nga nagapasakup sa drug test.

Ginpa-athag ni Parcon nga wala man sang malain kon indi magpa-drug test ang mga jeepney drivers. Apang mas maayo suno sa iya nga may ID sila nga nagapahayag nga drug-free sila.

Pagkatapos sang mga jeepney drivers sa syudad, natalana naman nga ipa-idalum sa drug test ang mga drivers sa probinsya suno kay Parcon.

Sa pinaka-ulihi nga report sang PRO-6, nagalab-ut na sa 2, 905 ka drivers sang PUJs kag taxi ang nagpa-drug test sa Campo Delgado. (AGB)

By admin@aksyonradyoiloilo.com.ph

Manila Broadcasting Company Suite 301 Carlos Uy Bldg., Diversion Road, Mandurriao, Iloilo City 5000 Philippines.

Leave a Reply