Militante Nga Grupo Sa Syudad Nag-upod Sa Protest Rally Sa Metro Manila, Ginpamatukan Ang Pagpalubong Kay Anay Presidente Ferdinand Marcos Sa Libingan Ng Mga Bayani Kag Pagdumdom Sang Kaadlawan Sang Baganihan Nga Si Andres Bonifacio

Iloilo City – Nag-upod ang militante nga grupo sa syudad sa naga rally sa Metro Manila nga nagapamatuk sa pagpalubong kay anay Presidente Ferdinand Marcos sa Libingan ng mga Bayani.

Suno kay Mr. Reyland Vergara sang KARAPATAN Panay, mabatun nila nga presidente kag soldado si Marcos apang indi matulon sang ila konsensya ang ginhimo sini nga kalaksan sa panahon sang Martial Law.

Ginapasabat man sang Korte Suprema ang Malacañang kag pamilya Marcos suno kay Vergara kon ngaa gindali dali ang pagpalubong sa anay presidente nga wala pa natapos ang 15 ka adlaw nga ginhatag sa petitioner agud maka file sang motion for reconsideration.

Kabahin man sang rally suno kay Vergara ang pagdumdum sa kaadlawan sang baganiyan nga si Andres Bonifacio nga nagahinyo nga padayunon ang paghimakas kag indi pagtugtan nga mag gahum ang mga domoloong agod mabatyagan sang mga Filipino ang matu-od nga demokrasya sa pungsod.

Nagtipon ang KARAPATAN-Panay kag iban pa nga militante nga grupo sa atubang sang Provincial Capitol kag kadamo-an sang dinapit nga manoghambal amo ang Martial Law victims.

Photo by Reylan Vergara

(Aljohn Torreta)

About Post Author

aksyonradyoiloilo_ahuqdr

iloveshabu@gmail.com

https://www.aksyonradyoiloilo.com.ph

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %